දෙමළ ඩයස්‌පෝරාවේ අරමුණ ශ්‍රී ලංකාව තුළ ඊළමක්‌ බිහිකර ගැනීමයි – බෙංගමුවේ නාලක හිමි

0
555

දෙමළ ඩයස්‌පෝරාවේ අරමුණ ශ්‍රී ලංකාව තුළ ඊළමක්‌ බිහිකර ගැනීම බව බෙංගමුවේ නාලක හිමියෝ ඊයේ (28 දා) දහවල් කොළඹ රාජගිරියේ පැවැති ප්‍රවෘත්ති සාකච්ඡාවක්‌ අමතා පැවසීය.

මෙහිදී තවදුරටත් කරුණු දැක්‌වූ උන්වහන්සේ ගෝලීය ශ්‍රී ලංකා සංසදය ඇරඹීමේ මූලික අදහස තමා 2014 වසරේදී ඩුබායි රටේ සිටින සුනිල් චන්ද්‍රකුමාර සමඟ සාකච්ඡා කළ බවත් ඉන් පසු 2015 දී සංවිධානය පිහිටුවා ගත් බවත් කීවේය.

2018 දී ග්ලෝබල් ශ්‍රී ලංකා ෆොaරම් යනුවෙන් සංසදය ලියාපදිංචි කළ බවද පැවසූ උන්වහන්සේ ජිනීවා මානව හිමිකම් සමුළුව හමුවේ ශ්‍රී ලංකාවට එරෙහිව කරුණු දැක්‌වීමට ගෝලීය සංසදය ඉදිරිපත් වූ බවත් පැවසූහ.

මෙතෙක්‌ ජිනීවා මානව හිමිකම් සමුළුවට ඉදිරිපත් කරන ලද වාර්තා සියල්ල සකස්‌ කිරීමේ මූල්‍ය අනුග්‍රහය ලබාදෙනු ලැබුවේ ගෝලීය ශ්‍රී ලංකා සංසදය බවත්, නේස්‌බි සාමිවරයාට ස්‌තුතිය පළකරමින් සන්නස්‌ පත්‍රයක්‌ පිළිගනු ලැබුවේ ලන්ඩන් ශාඛාව බවත් උන්වහන්සේ පළකළහ.

ගෝලීය ශ්‍රී ලංකා සංසදයේ සම්බන්ධීකාරක නීතිඥ නුවන් බෙල්ලන්තුඩාව මහතා කරුණු දක්‌වමින් ජිනීවා මානව හිමිකම් කොමසාරිස්‌වරයා ශ්‍රී ලංකාවට තර්ජනයක්‌ කරමින් අලුතින් ත්‍රස්‌ත මර්දන පනත සකස්‌ කිරීමට පෙර පරණ පනත ඉවත් කරන ලෙස ඉල්ලා ඇති බවත් කියා සිටියේය.

මානව හිමිකම් කොමසාරිස්‌ සෙයිද් රාද් හුසේන් තම වාර්තාවෙන් ශ්‍රී ලංකාවට තර්ජනාත්මක ප්‍රකාශ කර ඇති බවත් රජය ඊට නිසි ප්‍රතිචාර දක්‌වා නැති බවත් හෙතෙම කීවේය.

කීර්ති වර්ණකුලසූරිය සහ එරික්‌ ජිනප්‍රිය

LEAVE A REPLY

Please enter your comment!
Please enter your name here